कविता !!????????????
डर !!!
शिवराज कलौनी
मुइ मच्छर कि डर कम माण्णौ
मुइ स्याप कि डर कम माण्णौ
मुइ बाघ कि डर कम माण्णौ !!
डर माण्णौ त याइ मुणि फुतुर्का हाल्ल्या कुकुरका छौनान कि !!!
????????????????????????????????
मुइ बनढड्वा कि डर कम माण्णौ !!
मुइ धार लाया फड्वाकी डर कम माण्णौ
मुइ रिसाइ बोल्ल्या कड्वाकि डर कम माण्णौ
डर माण्णौ त दूध चोरी खाइबरे लादो ओसाना ख्याँ गद्द्या ढड्वा कि
डर माण्णौ त खेती लाई बरेको झड्ड्या झड्वाकि !!!
????????????????????????????????????????????
मुइ दात किट्कौन्याकी कम डर माण्णौ
मुइ हात बट्यौन्याकी कम डर माण्णौ
मुइ जाठो बट्यौन्याकी कम डर माण्णौ
मुइ मुट्की बट्यौन्याकि कम डर माण्णौ
डर माण्णौ त पेट चलौन्याकी ,कैँची लगौन्याकी !!
????????????????????????????????????????
मुइ बोक्सर कि कम डर माण्णौ
मुइ डगाइ डगाइ खान्या कि कम डर माण्णौ
मुइ बगाइ दिन्या पानी कि कम डर माण्णौ
मुइ हकारिबरे सिएको जगाइदिन्या कि कम डर माण्णौ
मुइ कब्जियत वालालाइ हगाइदिन्या कि कम डर माण्णौ !!
डर माण्णौ त केवल आग लाइबरे पानी खोज्जाइ जान्याकी !!!
????????????????????????????????????????????
मुइ रिन कि डर नाइ माण्णु
मुइ तताया साँपला/पिन कि डर नाइ माण्णु
मुइ ठूलो छ भणि रुस,चिन कि डर नाइ माण्णु
मुइ बिउजो भया लै निन की डर नाइ माण्णु
मुइ एक्सन फिलमका डरुन्या सिन कि डर नाइ माण्णु
डर माण्णौ त पेटमाइ पापका लड्डुवाला चिल्ला चिफला मति हिन की !!!
????????????????????????????????????????????????
मुइ कोरोना कि डर नाइ माण्णु
मुइ बिच्छु कि डर नाइ माण्णु
मुइ चोर,डाकुकि डर नाइ माण्णु
मुइ आगकि डर नाइ माण्णु
मुइ बन्दुक कि डर नाइ माण्णु
मुइ ढाडो,बएलाकी डर नाइ माण्णु
डर माण्णौ त समाज सोस्स्या जुका जो मुखलाइ लाड गरिवरे पिठी पछन ” पासो ” हाल्लान!!
????????????????????????????????????????????????????