यति मिठो मुस्कान दियौ तिमीले मलाई
विगतका पलहरु सबै सम्झायौ मलाई
यो मेरो जिन्दगीको रक्षक थियौ तिमी
जिन्दगी क्षणक्षणको सहयात्री भयौ तिमी
लज्जालु स्वभावमा सजिएको प्रेमका कथाहरू
आए तिम्रो भएर मेटाऊ मेरो प्रेमका प्यासहरू
मेटाऊ मेरो प्रेमका प्यासहरू
हर पल यादमा आउने तिम्रो तस्विरहरू
हेर्दै बसिरहुँ लाग्ने सुन्दर ती नयनहरू
तिम्रो सुन्दर मुहारमा लाग्छ सधैं सधैं देखिरहुँ
आऊ सँगै बसौं, समय त्यसै वित्दैछ
तिम्रो साथ मिठा मिठा प्रेम कहानी भन्नु छ
जिन्दगीका पल पलका यात्राहरुको वर्णन गर्नुछ
हाम्रो सच्चा प्रेम काहानी संसारलाई देखाउनु छ
खुसीयालीमा रमाउ, सुन्दर जिन्दगानी छ
जिन्दगीका पल पलका यात्राहरुको वर्णन गर्नुछ
गोविन्द ओझा
दीपायल सिलगढी नगरपालिका, वडा नं.२ दीपायल, डोटी