ईशारा त गर्नुभयो माया मात्र हो कि हैन?
मै शिवाय हजुरको दिलमा अरु छ कि छैन?
भन्नुस न!
कसो गरी पत्याऊँ म आजैसम्मै हजुरले
कसैलाई लोभ्याएन जवानीको नजरले
यति आशा देखाएको मलाई मात्र हो कि हैन?
मै शिवाय हजुरको दिलमा अरु छ कि छैन?
सायद अरु कति होलान् हजुरलाई रुचाउने
मेरो जस्तै आशा लिई हजुरकै सामु आउने
अरुले त यस्तै भन्छन् साँच्चो मात्र हो कि हैन?
मै शिवाय हजुरको दिलमा अरु छ कि छैन?
शब्द – राममान तृषित
स्वर – तारादेवी
संगीत – शिवशंकर मानन्धर