पिटे पनि आमा

पिटे पनि आमा जाती, पोले पनि घामै जाती छ
देश भन्नु देश नै हो, यो त सधैं शिरमाथि छ

देशमै बस किन जान्छौ बिदेशी भर्तीमा?
माना रोपे मुरी फल्छ नेपाली धर्तीमा

दिनभरी घाम साथी, घाम ढले जून साथी छ
देश भन्नु देश नै हो, यो त सधैं शिरमाथि छ

नसोध के दियो देशले, बरु सोच के दिऊ देशलाई *
तिम्ले हाम्ले नबनाए कस्ले बनाउन्छ यसलाई

देश भक्ती खेर जान्न देशबासी आत्मा साक्छी छ
देश भन्नु देश नै हो, यो त सधैं शिरमाथि छ

१ बैशाख २०५८, लम्जुङ नेपाल
bp122@york.ac.uk; bp.aalok@gmail.com

———————————————————————————————–
* जे. एफ. केनेडी, १९६१