मेरो गाउँका गीतहरू खसाल्दै
मेरो हृदयका प्रीतहरू पोख्दै
उडिरहेका चराहरू
प्याउलीका फूलहरुमा
झर्दै गरेका
कलिलो घामका किरणहरू
खोला, झरना, डाँडापाखा :
र उत्सवमय
रहरहरू
कालीलेक:
काफल ऐसेलुका हरफहरू
झम्केसाँझ,
र
झ्याउँकिरीका उन्मुक्त रागहरू
खुशी छरिएको
गृष्ममेला
यी सबैसित म
रमाएर
वनभरि नाच्दै हिंड़थें होला-
मेरी आमाको गाथमा
आराम भए !
म भावहीन मुद्रामा
सोचिरहेछु।
शरण आँसु