जे जनकक राजदुलारी छली
नान्हिएटामे शिवधनुष उठेली
गुणी विवेकी बलशाली छली
राज अयोध्याके महारानी छली
से चौदह बरिस वनवने रहली
खाय कन्दमुल जीवनयापन कयली
पत्नी धर्मक पालन कयली
ताहु पुनिताके हरलक रावण
हरिक लगेल अपन भुवन
तैयो मैयाँ सजग भय संयम रखली
दुष्ट मुदैयाके नहि किछु कहली
पलपल श्री रामक बाट जोहली
अपन अस्तित्वके सम्हारिक रखली
वन सँ लौटकाल अग्नि परीक्षा दयली
देखि पुरुषक पुरुषार्थ चुपचाप रहली
लौटि अयोध्या नगरी अयली
उल्हन सिकायत सुन लगली
धोबीक आरोपमे निष्कासित भयली
अपने पतिक परित्याग सहली
जखन ओ गर्भसय छयली
राजकुमारके जन्म वनमे दयली
अद्भुत संस्कार सँ संस्कारी बनेली
दुनु पुत्रक गरिमा तीनु भुवन मचल
देखि अलौकिक बालक रामो भुलल
जे स्वम् लक्ष्मीक अवतार छयली
अपन जीवनक समय वनमे बितेली
प्रकाशमय रहल जाहिठाम छयली
वनहुमे ओ वनदेवी कहेली
हुनक पावन चरण सँ कुटिया हँसल
बाटेघाटे चँहुदिस फुल पसरल
पुजि मैयाके धन्य वाल्मीकि रहल
अपन जीवनके सफल बुझल
ताहुसन देवी देवलेल सफाइ
घरतीमे लेला अपनाके समाइ
तखन अहि दुनियाँके आँखि खुजल
एक नारीक समापन सँ तृप्ति भेटल
सुधा मिश्र
जनकपुर -४
धनुषा ,नेपाल