गजल

नौमतिको मिठो धुनमा लगनगाठो जोड्दाखेरी
भन रुन्छ्यौ रुदिनौ? माईतघर छोडदाखेरी

सँगै बस्दा जगियामा माईती सँग लजाएर
चन्द्रमुखी मुहारमा रातो घुम्टो ओढ्दाखेरी

नाडिभरी छनछन चुरा आँखा गाजल लगाएर
मेरै नामको सिन्दुरले सिउदोलाई गोड्दाखेरी

पवित्र त्यो अग्निलाई सात फन्को लगाएर
देबी देउता साक्षी राखी यिनै पाउमा ढोग्दाखेरी

वरपर माईतिले डोली तिम्रो अन्माएर
हासिखुसी जाउ भनी नजर अन्तै मोड्दाखेरी

3 thoughts on “गजल”