घुम्टो खोली देखायो कि ? चाँदनीले रातभरि,
हेर्यो होला टोलाएर आँगनीले रातभरि ।
म त कोठा भित्र थिएँ, बाहिर जून टहटह,
बोलायो कि ? झ्यालबाट रोशनीले रातभरि ।
तर मैले केही सुनिन, सुने पनि को उठ्थ्यो र ?
आफुलाई त गाँजेकोथ्यो सपनीले रातभरि ।
कतिखेर आयो जून ? अत्तो पत्तो छैन मलाई,
मेरो आँखा खोल्दिएन मोहनीले रातभरि ।
अबेला पो ब्युँझिएछु, अनि हेरेँ झ्यालबाट,
पर्खिएको रैछ मलाई बिहानीले रातभरि ।
नेपोलियन मरहट्टा