तिम्रो प्यारको

पिलाई दियौ जहर, तिम्रो प्यारको
बनी आउँछु रहर, तिम्रो प्यारको

प्याला प्याला पिउँदै म ढले पनि
छोड्दिन म शहर, तिम्रो प्यारको

तिमी रैछौ गजल गीत-संगीतको
गाउँदै छु वहर, तिम्रो प्यारको

भन्छौ भन सुन्न सक्छु जति मलाई
सहन सक्छु कहर, तिम्रो प्यारको

याद आउँछ घरिघरि बितेका पल
रसाई दिन्छ नहर, तिम्रो प्यारको

एकलव्य राज
बयरवन ३ हरकपुर मोरङ्ग
हाल- ‘नवोदित साहित्यिक वाचनालय’, दोहा, कतार