एताको मानो खाएर,
उताको दुनो सोझ्याउने
आफ्नाहरुको सम्मान नगर्ने
उताकाहरुको भक्तिगान गर्ने,
यो समयमा
तिमी त प्रतिनिधी पात्र मात्र हौ,
सवैलाई थ्ाहा छ,
तिमील्ााई दिशानिर्देश गर्नेहरु
त्रिरंगी छायामा छन,
स्वामीहरुका ईसारालाई शिरोधार्य गर्न
तिमी नाचिरहेका छौ,
कहिले एता मर्किन्छौ,
कहिले उता मर्किन्छौ,
कहिले घोपटी खेल्छौ,
कहिले फडा फुलाउछौ,
तिम्रा सवै चालहरु,
स्वामी भक्ति देखाउन
आतुर छन,
आमा थलिएको वेला,
वैद्य बनाईएका तिमी,
उल्टै विष पिलाईरहेको छौ
महाशय
आज सोध्न मन लागेको छ ।
जन्मभुमी र आमालाई समान व्यवहार गर्ने नेपाली आदर्श,
तिमीले कता लुकाएका छौ ?
आज आमाका वरिपरि गिद्ध र व्वासाहरु मौका कुरिरहेको
तिम्रा चक्षुले पनि देखिरहेको होला,
तर तिमी
थलिएको आमालाई अझै थलाउन प्रयत्नरत छौ
धन्य छ तिमीलाई,
तिमीले वुझ्नै पर्छ,
जन्म भुमी र आमालाई ह्दयमा कोर्नेहरुको कुनै कमी छैन,
तिम्रा स्वामीका चाहनाले तिमी चलौला,
तिम्लाई चलाउनेहरु चल्लान,
तर पनि
तिम्रा स्वामीहरुको ईच्छा कहिल्यै पुर्ण हुने छैन,
हेरिराख महाशय,
ती व्वासा र गिद्धहरु थुक निल्दा निल्दै आफै थलिनेछन,
धन्य छ तिमीलाई
आधुनिक नेपालको नेरो वन्न उद्यत तिम्रा कर्तुतहरु
ईतिहासले त लेख्नेछ,
तर म वर्तमानको कुरा गर्छु
आम नेपालीको ह्दयमा तिमी कोरिएको छौ
यो अभिसप्त समयको सवैभन्दा घिनलाग्दो, कुरुप र फोहोरी पात्र बनेर।
३० अगस्त २००९