जिन्दगी चलेको हुन्छ यहाँ

दुःखमा पनि जिन्दगी चलेको हुन्छ यहाँ
मनमा आशाको दियो बलेको हुन्छ यहाँ

यस्तै रैछ मान्छेको जीवन भन्नु आखिर
सपनाको महल पनि ढलेकै हुन्छ यहाँ

लक्ष्य चुम्ने होडमा जीवन सघर्ष गर्दागर्दै
पाइलैपिच्छे दैवले छलेकै हुन्छ यहाँ

दुःख सुख भन्ने चिज त यस्तै नै हो
यात्रामा थकित दिल गलेकै हुन्छ यहाँ

यस्तै रहेछ यहाँ नियतीको खेल नै
आगोबिना हृदय जलेकै हुन्छ यहाँ

हाल-दोहा,कतार