मुखले हुन्न भन्छ्यौ

मुस्कानमा अर्कै अर्थ मुखले हुन्न भन्छ्यौ
ढेपिएर आँफै आउँछ्यौ फेरि छुन्न भन्छयौ

प्यासी प्यासी देखी रछु चुलबुले नयन ती
को हुन्छ तृप्त प्रेम रसले फेरि टुन्न भन्छयौ

बन्दी भा’छु मनभरि उम्की जाउँ अब कहाँ
पासोमा पारेर जान्दिन जाल बुन्न भन्छ्यौ

के सपना के बिपना सबै तिम्रा कैद छन
मन पन सबै थुनेर फेरि थुन्न भन्छ्यौ

नखरा नपार भो मुटु दुख्छ जिस्कँदा पनि
मेनुका तिमी फेरि सुर्पणखा चुन्न भन्छ्यौ

4 thoughts on “मुखले हुन्न भन्छ्यौ”