तिमीबाट टाढा हुनु समयको खेल

तिमीबाट टाढा हुनु समयको खेल थियो
पिरतीमा हार मेरो नियतिको झेल थियो

कुन मुटुले सुनाउ म तिमीपछिका काहानीहरू
खुसित खासै याद भएन दु:ख ठेलमठेल थियो

चोखो मनको पिरतीलाई आटो धिडो ठान्यौ कि त
तिम्रो त्यही सम्झनानै मेरा लागि सेल थियो

तिमी त मलाई छोडी सात सागर पारी गयौ
एक्लो जीवन मेरा लागि जताततै जेल थियो

गल्ती त मेरै थियो तस्बिर साथ बोकी हिड्ने
मलाई छोडी तस्बिर बगाउने सुन्कोशीको भेल थियो

हाल दुबइ