मनमा एउटा कुरा छ सुटुकै भनौं अन्जु
एउटा रथको दुई पाङ्रा हामी बनौं अन्जु
हाम्रा सबै काँडेबार जन्जीरहरू पन्साएर
सँगै यात्रा गर्ने प्रेमको बाटो खनौं अन्जु
पन्चै बाजा जन्ती ताँती बेहुला-बेहुली बनी
स्वयम्बरमा लगाउने बरमाला उनौं अन्जु
रातो सारी चुरा पोते शीरमा सिन्दुर लगाएर
घुम्टो ओढी यज्ञ घुम्ने लगनगाठो बानौं अन्जु
अब त सोच्नै पर्छ कति चुपचाप बसिरहने
“प्रेमअन्जुले” पार गरेका बसन्तहरू गनौं अन्जु
प्रेम बाबु
premqn.2007@yahoo.com