बरु काली भन कृपया मलाई जाली नभन,
म त तिम्रै घरवाली हुँ,मलाई साली नभन।
सम्मोहनका मधुमासमा मदहोस सुवासिनी,
म त हजुरकै फुलबारी हुँ,मलाई माली नभन।।
श्पर्शमा लालायित मस्त परागमा फक्रियकी,
म त सुन्दर गुलाब हुँ,मलाई डाली नभन।।।
सुहागका प्रतिबिम्ब तिम्रै लागि आवाद सिँउदो,
पर्खाइमा प्रताडित मलाई किन खाली? नभन।।।।
नयाँ सम्बन्ध,नयाँ संसार अनी खुशी नयाँ बर्षको,
यि त स्वम्बरका थपडीहरु हुन्,रमिते ताली नभन।।।।