ट्रङ्कलमा कुराकानी ठेट हुन्न तिम्रो–मेरो
झट्टै आऊ नत्र अब भेट हुन्न तिम्रो–मेरो
ऐलेसम्म तिम्रै लागि उघारेर राखेको यो
दिलभित्र पस्ने मूलगेट हुन्न तिम्रो–मेरो
अझ पनि आलेटाले गरी बस्यौ भनेदेखि
पिरतीको मजा भरपेट हुन्न तिम्रो–मेरो
समयको बेग छोपी आईपुग्यौ भने मात्र
भावीको यो लेखा केरमेट हुन्न तिम्रो–मेरो
ट्रङ्कलमा कुराकानी ठेट हुन्न तिम्रो–मेरो
झट्टै आऊ नत्र अब भेट हुन्न तिम्रो–मेरो
– बनेपा, काभ्रे, (हालः दोहा, कतार)