छारो उड्न थाल्यो अरे, आङ कनायौ कि ?
नाकै थुन्न पर्ने भो रे, तिमी गनायौ कि ?
न बनायौ, न सघायौ, पर्छ ओतिनु त
भत्काएर आफ्नै घर, जात जनायौ कि ?
च्याँखे थापी मनहरु, कस्तो पन जित्यौ
खुशी भनी कतै फेरि, शोक मनायौ कि ?
बलिर’छ शान मान, नहोस् खरानी त्यो
निभाउछु भन्दै अझै, तेल खनायौ कि ?
आत्मा साक्षी राखी हेर, एक चोटी तिमी
तिखारेर कलममा, धार बनायौ कि ?
2010 मा प्रकाशित समकालीन साहित्यिक अकाशे पत्रिकाबाट ।
August 9, Monday
गोर्खेजीले भनेझैं मिलेको
गोर्खेजीले भनेझैं मिलेको व्यंग्यत्मक गजल छ। भूपेन्द्रजीका प्रत्येक गजलमा कुनै न कुनै विशेषता हुने गर्छ। यो नै वहाँको विशेषता हो!
भुपेन्द्रभाइको ब्याङ्ग्यात्मक
भुपेन्द्रभाइको ब्याङ्ग्यात्मक गजलकारिताको हार्दिक बधाइ छ ।
भुपेन्द्रभाइको ब्याङ्ग्यात्मक गजलकारिताको हार्दिक बधाइ छ,यसरी नै देखिएका कालक कर्तुतहरूलाइ सहृदयी पाठकहरूको सामु पस्किने जमर्को गरेको देख्दा खुसी लागेर यो गजल मझेरी डट कममा सभार गर्न खोजिएको हो । यसरी नै तपाइँका कलम तिखारिँदै जावोस्, मेरो यहीशुभकामना छ । साथै भाइ गजललाइ अझै बहरमा लेख्ने कोशिस गर्न पनि अनुरोध गर्दछु ।
– गोर्खेसाइँलो
गजलबटरर्, विशालमार्गर्,नाराणगढ, चितवन ।
gorkhesailo@yahoo.com, mob. +977- 9855055351