“म बन्न चाहन्छु” (अराजकतावादी कविता)

म एडोल्फ हिटलर बन्न चाहन्छु
लाखौ यहुदीहरूको हत्या गर्न चाहन्छु
किन? भन्ने प्रश्न नै नगर्नु
अब, म हिँसाप्रेमी भएको छु !!

म जोसेफ स्टालिन बन्न चाहन्छु,
आफ्ना सहकर्मी साथी अनि
शत्रुहरूको पूर्ण नाश गर्न चाहन्छु
ताकी फेरि टाउको उठाएर विरोध गर्न नसकून् !!

म सद्दाम हुसैन बन्न चाहन्छु
हजारौ कुर्दहरूको ज्यान लिन चाहन्छु
किनकी अमेरिकाको बुइ चढेर
मेरो विरुद्द लाग्नेलाई निर्मुल पार्न चाहन्छु !!

म ओसमा विन लादेन बन्न चाहन्छु
क्रिस्चियेन् र अमेरिकाको विरुद्दमा लागेर
धार्मिक लडाईलाई अगाडि सारेर
मुस्लिम साम्राज्य कायम गर्न चाहन्छु !!

म इन्डोनेसियन नेता सुहार्तो बन्न चाहन्छु
अमेरिकी सरकारको समर्थन लिएर
सेना र शक्तिको आडमा निमुखा लाखौ
कम्युनिष्टहरूलाई सखाप पार्न चाहन्छु !!

म कम्बोडियन नेता पोलपोट बन्न चाहन्छु
धनी,गरिव, ब्यापारी, अशक्त कसैलाई नछुटाई
जनताहरूलाई जबर्जस्ती श्रमशिविरमा पठाएर
श्रम गर्न नमान्नेलाई तातो गोली ठोक्न लगाउछु !!

म क्युबाको फिडेल क्यास्ट्रो बन्न चाहन्छु
४२ बर्ष सम्म लगातार राष्ट्रप्रमुख हुन चाहन्छु
सर्वहाराको नाममा जनताको परिवर्तनको भावनालाई
कुल्चेर अधिनायकवादी हुकुमी शासन लगाउन चाहन्छु !!

म उतर कोरियाको “किम जोंग-२” बन्न चाहन्छु
मेरो बाबुले मलाई राष्ट्रपतिको पगरी दिए जस्तै
मेरा छोरालाई पनि राष्ट्रपति पद ओढाई दिनेछु
नौलो प्रकारको कम्युनिष्ट राजतन्त्र कायम गर्नेछु !!