फूलमा कुनै सुवास छैन
न बग्ने नदीमा कुनै ध्वनि छ
पूणिर्मामा कुनै ज्योति छैन
न सङ्गीतमा नै कुनै सुरताल छ
हरियालीमा कुनै मनोरम चाल छैन
न खुशीयालीमा नै कुनै खुशीको लगाव छ
आफन्तहरूको भीडमा कुनै रस छैन
न मुस्कानहरूको
फैलावटमा कुनै मुस्कुराहट छ
दुलहीझैँ सजिएकी म –
सजावटमा कुनै सुन्दरता छैन
न पर्खाइको नयनमा कुनै चमक छ
के भयो आज खै, के भयो
दिलमा कुनै चयन छैन
न रुन्चे नयनमा नै आँसु छ
यस्तै भयो प्रिय, आज
तिमी बिनाको ‘जन्मदिन’ मा
दीप सबै निभेको भान भयो
तिमी बिनाको ‘खुशियाली’ को माहौलमा
खुशी सारा छिनेको भान भयो ।

पो.ब.नं. ११२०९ काठमाडौं

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *