हात समाई गाउँबेशी झरेको दिन भुल्यौ
पिरतीको बिउ दिलमा छरेको दिन भुल्यौ ॥
तिमी मेरी म तिम्रो हजार जन्म जन्म
जिउने मर्ने सँगै बाचा गरेको दिन भुल्यौ ॥
दोबाटोमा थियौ तिमी मैले साथ दिए
बहकिंदै महासागर तरेको दिन भुल्यौ ॥
कसले दियो तिमीलाई बनावटी मायाँ
तिम्रो मुटु यो मुटुमा सरेको दिन भुल्यौ ॥
झुटो रैछ तिम्रो कसम जति खाए पनि
रगतले खाली सिउँदो भरेको दिन भुल्यौ ॥
हात समाई गाउँ बेशी झरेको दिन भुल्यौ
पिरतीको बिउ दिलमा छरेको दिन भुल्यौ ॥
जगत राम बर्देवा घायल
दोहा कतार
६।२०।२०१०