जीवन सानो बन्छ भने गर्दिनँ त्यो काम
परिश्रममा विश्वास गर्दा मीठो लाग्यो माम।
सबेर उठी स्वच्छ हावा सधैँ खाने मान्छे
समयभित्र देख्छ उसले निकै ठूलो दाम।
रूपचन्द्र विष्टजस्ता उच्च नेताबाट
पाठ सिकी, काम गरी राखी छाड्छु नाम।
नेपालआमा रुवाउने रावण मन छाडी
बन्ने गर्छु सधैँ म त सबको मनको राम ।
नम्र बोली, उच्च विचार, दृढ इच्छाशक्ति
यत्ति गरी कर्मभित्र खोज्छु जूनघाम।
तपेश्वरीः उदयपुर