आत्महत्या गर्नेहरूप्रति

आत्महत्या गर्नेहरू एकपल्ट सोचिहेर
संसार कति रमाइलो छ जिन्दगीलाई रोजिहेर

दुखी पनि हाँसेका छन् तिमी किन रुने गर्छौ?
संघर्षमा बाँचेका छन् किन आफैलाई मार्छौ?
एकदिन आफै मरिन्छ नि किन गर्नु आत्महत्या?
फेरि जीवन पाइँदैन यही नै हो अन्तिम सत्य
मेरा कुरा झुठा लागे संसारलाई सोधिहेर
संसार कति रमाइलो छ जिन्दगीलाई रोजिहेर

मानिसको जिन्दगीमा तनाब हुन्छ पीडा हुन्छ
दुख बाढ आधा हुन्छ, मरेपछि कस्ले सुन्छ?
किन तिमी निरास हुन्छौ? सोचाइ राख्छौ किन सानो?
सबैसँग बोल हास मरेर छ के पो लानु?
मेरा कुरा राम्रा लागे यिन्मै जीवन खोजिहेर
संसार कति रमाइलो छ जिन्दगीलाई रोजिहेर