मेरै नजर सामु तिमी पराई हुँदा

मेरै नजर सामु तिमी पराई हुँदा
मुटुमै चले तलवार, खुकुरी र खुँडा
कति जल्यो होला मन तिमी नै भन
सिन्दुर पोते पहिराउँदै अरुले छुँदा !!!!

बेहिसाब हौसला भताभुङ्ग टुटे
शिशामहल सपनाको चकनाचुर फुटे
कति तड्प्यो होला मन तिमी नै भन
मेरो प्रीति मेरै सामु अर्काको हुँदा !!!!

अरुको के कुरा तिमीले नै छोड्यौ साथ
बाध्य छु भन्दै थाम्यौ कसरी पराई हात ?
कति दुख्यो होला मन तिमी नै भन
हाँस्न खोज्दा भित्री मन भक्कानेर रुँदा !!!!

—-नीहारिका लक्ष्मी शाही