नलडाऊ चितामाथि मर्नै बाँकी छ

नलडाऊ चितामाथि मर्नै बाँकी छ
तिम्रो मनमा धेरै खुशी छर्नै बाँकी छ

वियोग र बिछोडले कलेटीछन् ओठहरू
ती ओठमा मायाँको रस भर्नै बाँकी छ

धेरै भयो एकान्त र कल्पनामा हराएको
तिम्रो हरेक रोजाईमा पर्नै बाँकी छ

आधा बाटो मात्रै हामी हिड्दैछौ नि आज
मायाँलुको महासागर तर्नै बाँकी छ

दुईटा मुटु एउटै छातीभित्र अटाएर
सातौ जन्म पुग्ने माया गर्नै बाँकी छ

नलडाऊ चितामाथि मर्नै बाँकी छ
तिम्रो मनमा धेरै खुशी छर्नै बाँकी छ

जे आर वि घायल
दोहा कतार