चर्को घाटाहरू

आँसुमा डुब्छ सधैं मनका सबै पाटाहरू
अनयासै फुकाइ दियौ मायाका गाठाहरू

तिमीले साथ छोडेपछि दोधारमा परेको छु
यता कि उता जाऊँ म, धेरै भेटे बाटाहरू

रात दिनै काम गरे नि कमाउन गाह्रो छ
परदेशमा छैन बरै पैसाका टाटाहरू

हेर्छु जान्ने बुझ्ने सक्ने सधैं सधैं अघि यहाँ
जहिले पनि पछाडि निर्धा अनि लाटाहरू

बाच्नै पर्ने रहेछ यो संसारमा जसो तसो
धेरै सहें जिन्दगीमा मैले चर्को घाटाहरू

खगेन्द्र खिलाफी
पाख्रिबास धनकुटा