तिम्रै लागि किनेको छु सिन्दुर पोते चुरा सानु

  • by


तिम्रै लागि किनेको छु सिन्दुर पोते चुरा सानु
छिन्नलाई तिम्रो घर कहिले आऊ कुरा सानु ।

बालपनमा गाई चराउँदा रमितेको देउरालीमा
खा’को कसम सँगै जिउने कहिले होला पुरा सानु ।

जातित्वको रवाफलाई लक्ष्मण रेखा भन्छौ भने
परिवर्तन चाहनेले भन्छन हाम्लाई लुरा सानु ।

तिमीलाई नै राखेको छु यो मनको मन्दिरमा
मन्दिर छोडी जान्छौ भने बरु हान छुरा सानु ।

जातित्वको सिमा तोड आऊ समाऊ हात मेरो
अनि मात्र समाजले भन्छ हाम्लाई सुरा सानु ।

तीर्थ”यात्री”पौडेल
लखनपुर ३ झापा,नेपाल
हाल:बहराइन
२०६७/१०/२२

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *