कसलाई माया गरूँ

कसलाई माया गरूँ भनी सोच्दैछु आज
एउटा राम्रो साथी मैले खोज्दैछु आज

यति ठुलो संसारमा अरबौं छन् मान्छे
त्यही भीडबाट मनपर्ने रोज्दैछु आज

भन्छन् जिन्दगी यो बाह्रमासे फूल हो रे
त्यसै गरी फुल्ने एक फूल रोप्दैछु आज

आफ्नोभन्दा धेरै माया कसैको लाग्न थाल्यो
उसकै माया मनभरि नै बोक्दैछु आज

सम्झिदै आँशुहरू टलबलाए गहभरि
बग्न खोज्ने आँशुहरूलाई रोक्दैछु आज

अज्ञात पाल्पाली