सिद्धान्तभन्दा ब्यबहार पढ्न पहल गरें
नितान्त लक्ष्यतिर बढ्न पहल गरें
धेरै बसें स्तब्ध भै गोडा खुम्चाएर
खुशीको हिमशिखर चढ्न पहल गरें
शरणार्थी जीवन यापन गर्नु कति
आफ्नो हक हितको लागी लड्न पहल गरें
संक्रमीत किटाणु पाल्नु छैन मलाई
बेलैमा पो सीमाना कट्न पहल गरें
धेरै उम्लिएमा पोखिन्छ भन्छन् नि
र त प्रारम्भमा नै घट्न पहल गरें
कवाबमा हड्डी हुनु मनले मानेन
बरु बाटोबाट आफैं हट्न पहल गरें
आडम्बर, फोस्रो आदर्श, नौटंकी पात्र भन्दा
दुःखको दहमा गढ्न पहल गरें ।।