अनवरत यात्रामा साथ छोडिदियौ तिमीले

अनवरत यात्रामा साथ छोडिदियौ तिमीले
अपरिचित मोडमा मुख मोडिदियौ तिमीले

चन्द्र जस्तै त्यो मुहार सधै हाँसी खुसी देख्दथें
तिम्रो रुपमा मस्त नयन फोडिदियौ तिमीले

रङ्गीबिरङ्गी फुलबारीमा थिएँ तिम्रो रोजाई
के भुल भयो र अर्कै फूल गोडिदियौ तिमीले

तिम्रो मेरो नाता यो अजम्बरी होस भन्ने गर्‍थ्यौ
गाँठो पारी कसेको सम्बन्ध तोडिदियौ तिमीले

तिम्रो लागि बाँच्ने चाहना अनगिन्ती हुदाँ हुदैँ
अनायसै मृत्युसँग नाता जोडिदियौ तिमीले

बिना तामाङ
काठमाण्डौं

4 thoughts on “अनवरत यात्रामा साथ छोडिदियौ तिमीले”