प्रेमको मामिला खोलेनौ सत्य अनुजा बर्गकी!
राखेर मन मै बोलेनौ सत्य अनुजा बर्गकी !
नारीको मनमा सत्यता हुन्छ ठानेको थिए नि
बिषादी नछर्की घोलेनौ सत्य अनुजा बर्गकी !
आँगनी पोलेर लाएको होम समाज् कै अगाडी
छोएर श्रीखण्ड पोलेनौ सत्य अनुजा बर्गकी !
तामाको पाथीमा दाहिने हात छुवाकै थियौ त
खसाली जलले धोएनौ सत्य अनुजा बर्गकी !
आफन्त भन्दैथे सुम्पेर ममा दायित्व तिम्रो भो
झारेर ती प्याला रोएनौ सत्य अनुजा बर्गकी !