साहित्यमा थोरै मोह दख्खल चाहिं छैन मेरो
उम्रिएको भाव आफ्नै नक्कल चाहिं छैन मेरो
कोरी-बाटी चिटिक्क ती नवरसले सिर्जनामा
धरै पाले परीहरू सक्कल चाहिं छैन मेरो
बाबा भन्थे ‘नलेख कान्छा! दु:खी हुन्छ कविहरू’
सोची हेर्दा साँचै देख्छु चप्पल चाहिं छैन मेरो
सर्टमाथि चट्ट कोट कलम् कापी भिरी दिंदा
भन्नेलाई भन्न देऊ झक्कल चाहिं छैन मेरो
अरुभन्दा राम्रो लेखी जीत लिन्छु मैले बरु
शास्त्र शिद्ध पछि पार्ने अक्कल चाहिं छैन मेरो
[झक्कल -देखावटीपन ,नक्कल झक्कल]
[अक्कल -धुर्त ,चलाखी ]
कत्ति मायाप्रिती, दु:ख बेदना,
कत्ति मायाप्रिती, दु:ख बेदना, बिछोड्का गजलहरु मात्र पढ्नु। कहीले काही फरक धारका गजलहरु पनि पाउन यसरी…। गजल राम्रो लग्यो मोक्तान जी।