आमा तिमी

अब आफ्नै परिचय हराउँदैछौ आमा तिमी
घाँटी तिम्रौ निच्योर्या छन कराउँदैछौ आमा तिमी

देश खाने धमिराले अस्थित्वनै लुटेपछि
बदनाम् हुन्छ माटो भन्दै, डराउँदैछौ आमा तिमी

खाना पाए एक हुन्छन् छोरा कस्ता पायौ आज
आफ्नै शरिर तिनैबाट जलाउँदैछौ आमा तिमी

ठूलो छोरो घरको साँचो कोहीले तराई पाहाड भन्दै
च्यात्तन खोजे तिम्रौ बस्त्र, समाउँदैछौ आमा तिमी

आधा चिता जले पनि सास फेर्न पाउँछु भन्दै
हात खुट्ठा शरिर अँझै चलाउँदैछौ आमा तिमी

रामकृष्ण पौडेल अनयाँस
भ.न.पा १३, कैलाशनगर चितवन