सुने मैले तिम्रो साह्रै


सुने मैले तिम्रो साह्रै प्यार छ रे गजलसँग
ढुक्ढुकीका तरङ्गका, यार छ रे गजलसँग

कसैलै भन्नुपरे, साच्चै मुटु बिझ्ने गरी
आरीभन्दा अझै तिखो, धार छ रे गजलसँग

मनपरेका मन्छेलाई, दिलभित्रका सन्देशहरू
पठाउने ती अदृश्य, तार छ रे गजलसँग

बसन्तलाई निम्त्याउन, उजाड् निरस् जिन्दगीमा
हराभरा फैलाउने, झार छ रे गजलसँग

कसैसँग भन्नलाई, नसकेका भावहरू
सिङार्नलाई बहुमुल्य, हार छ रे गजलसँग

जवानिले निम्त्याएका, असभ्य र बिकृत ती
खयालहरू रोकिराख्ने, बारा छ रे गजलसँग

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *