तिम्रो मृत्युको खबर
छापिएको पत्रिका
इन्टरनेटका पानाहरूमा मृत्युले कोरेका
तिम्रा नामहरू
आकाश पनि झरे जस्तै लाग्छ
मेरै शिर माथि
टाउको उठाएर हेरेँ
आकाश माथि नै थियो
किन्तु
म पत्रिकाहरूको बीचमा
सबै पत्रिकाहरू च्याते
झुट्ठा भनेर चिच्चाए
तर
क्रुर त्यो
तिम्रै समीप पनि पुगेछ
यो कस्तो रीत
अनयासै छुटनु पर्ने
जीवन पानीको फोका जस्तै
क्षणभरमै फुटनु पर्ने
फुटछ र बिलिन हुन्छ
नलेख्नु पर्ने यो लेखी रहेछु
चाहाट बिनाका शब्दहरू कोरी रहेछु
म चाहान्न तिम्रो नाममा स्व. जोडु
म चाहान्न तिम्रो नाममा श्रदाज्जली कोरु
किन्तु
समय बलबान छ स्व. जोडेको छ
म हारेको छु
तिमी बिनाको संसार
७ अर्ब बीच हराईरहेको मेरो एकल टाउको
यो जन्म र मृत्युको खेल
तिमी दौडीयौ र पुग्यौ
बाटो त्यही हो
पुग्ने त्यही हो
भेटने त्यही हो
अनन्त सम्म…
श्रद्धाका एक थुङ्गा अक्षरहरू