गल्ती

जीवनका खुड्किला नै गल्तीहरू हुन्
यात्राका तगारा अनि सफलताका फोहोरा हुन्

अनमोल यो जीवनमा हरपल खुसी पाइन्न
चोट नपाएसम्म जीवनमा हृदयका गीत गाइन्न
गीतका श्रोत नै गल्तीहरू हुन्
एकान्तका सहारा अनि मझधारमा किनारा हुन्

सपना बिपना नभएपछि सपनामै भुलिन्छ
व्यथाहरू कथा भएपछि नशाका गहिराइमा डुबिन्छ
नशाका बहाना पनि गल्तीहरु हुन्
एकान्तका सहारा अनि अतितका कुरा हुन्
(मझधारका किनारा हुन् )