केही टुक्राहरू (घरको भाग)

१) घरको भाग

क) ढोका
नयाँ बेहुली भित्र्याउने
बृद्धाहरूलाई
कालको मुखतिर घचड्ने
शहिदगेट ।

ख) झ्याल
भित्रबाट बटुवालाई चियाउने
बाहिरबाट
नयाँ युवा जोडीहरूलाई
के गर्दैछन भनी चियाउने
एउटा अज्ञात बालक।

ग) छानो
घरको इजत लुकाउने
पानी पर्दा जोगाउने
आत्महत्या गर्नेलाई सघाउने
बलियो रुख ।

घ) मोकेलो
घरको आँखा
छोराको भर्याङ्
सुलसुलेलाई घरको
अन्द्रा हेर्ने दर्पण।

२) कारागार
सज्जन
दुज्जन
चोर र डाँका
पागल र फटाहा
उडुस र उपैयाँ को
खाद्य सङ्कलन केन्द्र।

३) माया
मर्न नसक्ने
बाँच्न नचाहने
दोसादमा अड्किएको
आर्यघाट लगेको मान्छे।

४) महङ्गी नियन्त्रण
त्रिसुलीलाई थुनेर
माछा मार्ने
माझी दाइकोको सपना।