जता राम्रो उतै तिर सबको हुन्छसर्ने मन
लेक बाट बेसी हुदै तराई तिर सर्ने मन
कोलाहल मच्चाएर अर्थ छैन जिउनु कुनै
सकेसम्म धेरै सम्म माया प्रिती छर्ने मन
पिडा सही चुप चाप नबोलेर बस्नु भन्दा
आइलाग्ने हरु संग खुलमखुल्ला पर्ने मन
सबै समू आफुलाई चिनाई राख्न टिकाई राख्न
समयमै दुइ चार पैसा जोड जाम गर्ने मन
बैस छदा जति सुकै पाप कर्म गरे पनि
बुढेसकालमा सबको हुन्छ बैतरणी तर्ने मन
सेवा गर्ने धर्म गर्ने यस्तै यस्तै अरु के के
ठुलो मान्छे बन्ने तर हुन्न कस्कै मर्ने मन