आयो रे महान तीज सून खोज्दै नरुनु प्रिय
धर्ती बसी नभेट्ने जून खोज्दै नरुनु प्रिय
टाढिएँ म गरीबीले तिम्रो न्यानो साथ् छाडी
आउँछु छिट्टै मिलनको धुन खोज्दै नरुनु प्रिय
जे छ आफ्नो खोले-फाटो मन बुझाई खानु बरु
स्वार्थी छ यो दुनियाँ गुण खोज्दै नरुनु प्रिय
रगत-पसिना चुस्छ्न यहाँ गरीब दुखीको
घोट्दा हड्डी दुख्दा मुटु खुन खोज्दै नरुनु प्रिय
आयो रे महान तीज सून खोज्दै नरुनु प्रिय
धर्ती बसी नभेट्ने जून खोज्दै नरुनु प्रिय
राजेश रुम्बा लामा “अतृप्त”
२६-०८-२०११