ढुङ्गा पनि फूल सम्झी उनेको छु मैले

हजार भए बजार हुन्छ सुनेको छु मैले
नउम्कियोस गोजीबाटै थुनेको छु मैले

थोरै दु:ख धेरै सुख भोलि पाऊँ भन्दै
रेगिस्थानका गल्ली-बाटा खुनेको छु मैले

पसिनाले पैसा साटी पछि सुखी हुने
कल्पनाको लामै तान बुनेको छु मैले

मरुभूमि चर्को घाम सबै बिर्साउने
गाउँघरमै एउटी माया चुनेको छु मैले

काम गरी दामसँगै नाम निहुँ भन्दै
ढुङ्गा पनि फूल सम्झी उनेको छु मैले

-बुद्धि मोक्तान