दु:खको थुप्रो-खरको झुप्रो हिमाल पारी छ

  • by


दु:खको थुप्रो-खरको झुप्रो हिमाल पारी छ
सपना बोक्ने डोकोमा हेर पिरको भारी छ

विपना रोप्छु-सपना रोप्छु जोतेर खेतमा
गरेर खाने यै अतिकति फापर बारी छ

भिजेको चुल्हो-फाटेको दौरा दशैको बेलामा
आङमा तिम्रो पियारी उही पुरानै सारी छ

आँखाकी नानी-दिलकी खानी चन्द्रमा-तारा यी
धरती देखी आकाश राख्ने सपना घारी छ

आदत छैन दयामा बाँच्ने भरिया ‘सूर्य’को
झरीमा होस-घाममा होस आफैँ छहारी छ

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *