अखण्डता मेचीदेखि काली हुनुपर्छ
सम्बृद्ध सब नेपालीको टाली हुनुपर्छ।
छिमेकीको बिस्तारवादी नीति कति सहने
सीमानाको दसगजा खाली हुनुपर्छ ।
तेरो मेरो होइन अब देश सबको साझा
हामी सबै नेपालको माली हुनुपर्छ ।
भ्रष्टचारी घुसखोरीलाई सम्मान होइन
तिरस्कारको कालोमोसो गाली हुनुपर्छ ।
किन खेल्छौ शहिदको रगतमा होली
शहिदको भागमा सधै छाली हुनुपर्छ ।
कृषि प्रधान देश हाम्रो किसान दाइ तिम्रो
हातमा हलो कोदालो र फाली हुनुपर्छ ।
मुखले होइन कामले देऊ सुफत माल बीऊ
किसानका पाखा रेखा बाली हुनुपर्छ ।
तिर्थ”यात्री”पौडेल