झुल्लुक्क हिमाल देख्दा
नेपालको याद आउंछ
स्वदेशको माटोको सुबासले
मेरो ज्यानमा जोश छाउंछ ।
रारा फेवा सगरमाथा
लाली गुंरास फुलेको
पुण्यभूमी मेरो देश
बुध्द सीता जन्मेको ।
भंज्याङ्ग फांट देख्दा
नेपालको याद आउंछ ।
स्वदेशको माटोको सुबासले
मेरो ज्यानमा जोश छाउंछ ।
हिमाल पहाड मधेश
मेची कर्णाली बगेको
बीरभूमी मेरो देश
भिमसेन बलभद्र जन्मेको ।
मुर्चुङ्गा मादल घन्कदा
नेपाल याद आउंछ ।
स्वदेशको माटोको सुबासले
मेरो ज्यानमा जोश छाउंछ ।