फूलको थुँगा टिपेर तिमी शिरमा सजाऊ


फूलको थुँगा टिपेर तिमी शिरमा सजाऊ
बैंशालु मन भाकेर माया दिलमा रमाऊ ।

चन्द्रमा जस्तो उज्यालो मुख आउँछ झल्झली
रातमा तिमी सपनी हुँदा पसिना खल्खली ।

मायाको डोरी बाटेर किन तानेको तिमीले
दौंतरीलाई बाटोमै छाड्न जानेको तिमीले ।

दिनमा पर्खी बसेको आज आउँछौ भनेर
दिलमा चोखो फूलको माला राख्याछु उनेर ।

छोडेर गइन् ती मेरी प्रिय ! भेट्यौकी तिमीले
हे मेरा साथी ! हे मेरा संगी ! देख्यौकी तिमीले ।

चिनेर तिमी सामुन्ने आई सोधेको सुन्दिनु
मरेको लाश भएर पर्खी बस्याछ भन्दिनु ।

  •  
  •  
  •  
  •  
  •  
  •  
  •  

3 thoughts on “फूलको थुँगा टिपेर तिमी शिरमा सजाऊ”

  1. साह्रै राम्रो कविता ..!!
    दिनेश जी निकै मिठो लाग्यो कविता त धन्यवाद छ हजुरलाई …!

Leave a Reply

Your email address will not be published. Required fields are marked *