किन सस्तो सोच्छौ

किन सस्तो सोच्छौ हैन म त कहरकी छोरी
आशा-दीप भै जन्मिएथेँ म त रहरकी छोरी ।।

झुपडीको अँधेरीमा चेतना दीप फिजाई हिँड्ने
बा-आमाको मनको सुन्दर म त शहरकी छोरी ।।

सुनौला धान झुली खेतमा शीतको थोपा टल्किए झैँ
हेमन्ती पवनमा चल्ने म त लहरकी छोरी ।।

डाँडामाथि सानो गाउँमा जुनकिरीको तालमा नाच्ने
झरना, खोला, हरियाली म त बहरकी छोरी ।।

दुष्मन जंजालले आज सम्म अति डस्यो बालाई
तिनका जरा मास्दै हिंड्ने म त जहरकी छोरी ।।

1 thought on “किन सस्तो सोच्छौ”