लेखक जति मंत्री बने सजाउँथ्यो कि मेरो देश !
बेलैमा लेखी संविधान बचाउँथ्यो कि मेरो देश !
कविता गीत कथा जस्तै सदभावले भरिपूर्ण
आदर्श कार्य आफै गरी जगाउँथ्यो कि मेरो देश !
चेतनशील मान्छेहरू राष्ट्रनायक बनेदेखि
गर्वले नतमस्तक् बनी लजाउँथ्यो कि मेरो देश !
न्याय मिल्नेथ्यो जनलाई दयामायाले भाग्य कोर्दा
शौरभ छर्दै पुष्प सरी बसाउँथ्यो कि मेरो देश !
तरवारले रेट्ने ठाउँ कलम चल्न थालेपछि
विश्वमा शान्तिको त्यो ताज लगाउँथ्यो कि मेरो देश !
सजना गुरुङ
कुश्मा, पर्वत