नेता रुपी दानवले लूट फैलाउदै छन साथी
कुर्चीको प्यास मेटाउन झुट फैलाउदै छन साथी
जंगलदेखि सरकारसँगै एक्लौटी राज यिनको
तलब भात्ता पचाउन गुट फैलाउदै छन साथी
कानुनभन्दा माथि आँफै देखाउनलाई सम्बिधान्
एकछत्र राजको लागि छुट फैलाउदै छन साथी
यो देशको ढुकूटी मा गडिरा’ छ आँखा यिनको
सकेजति कुम्लाउन लूट फैलाउदै छन साथी
लडाउदै सोझा जनता सिंहासनमा चढ्न आफू
दाजुभाइमा यिनले फूट फैलाउदै छन साथी