अन्योल ग्रस्त मायाको संसारमा छु म!!

छैन गन्तब्य तर पनि हतारमा छु म,
अन्योल ग्रस्त मायाको संसारमा छु म!

न त सक्छु तिमीलाई छोड्न न त बाबु आमा,
भित्र बाहिर पाइला राखी संघारमा छु म!

यस्तो छ परिस्थिति निर्णय भन के लिऊँ ?
कसैसँग सम्बन्ध नतोड्ने बिचारमा छु म!

तिमी छौ म छु अरु के छ विश्वास बाहेक ?
केवल तिम्रै भर छ मायाको आधारमा छु म!

भेल छ, बाढी छ, आँधी-तुफान आउँदै छ रे,
आऊ न समाऊ हात मेरो, जंघारमा छु म!
भित्र बाहिर पाइला राखी संघारमा छु म!

१४/०६/२०६५ “सुमन काले”