चर्किन्छ मुटु यी आमा मेरी रोएको देखेर
किन हो कुन्नि सन्तान सबै सोएको देखेर
उठ न उठ ए मेरा दाजु पुछौँ न त्यो आँशु
बल्दछ आगो अरुले आमा छोएको देखेर
भक्कानो छुट्छ आमाको आँशु देखेर छातीमा
जातियताको उर्लंदो भेल फोएको देखेर
होसमा छैनन् के होला भोलि समय जान्दैन
गरिबीलाई जातीयताले धोएको देखेर
मूर्छित भईन् यी मेरी आमा हेर न सबैले
राष्ट्रियताको चिनारी आज खोएको देखेर
बिराटनगर-४, नेपाल
*** सोएको = सुतेको
*** फोएको= फुकाएको
*** खोएको = हराएको
सुन्दर!
देशभक्त मुटुका भावनाहरुको सुन्दर र सशक्त प्रस्तुति!