चाहेका खुसीहरू सस्तो हुदैन
त्यो विस्वासका इट्टाहरू पोलेर
जोडिएको घर जस्तै हो जहाँ
रहरहरू बग्रेल्ती डंगुर लाग्छन
प्रत्यक पटक हार्दै अनि बल्ल जीतको स्वाद
मुटुसम्म पुग्छ र भन्छ खुसी आयो ?
खोजी हो खुसीको त्यो छ पनि र छैन पनि
हुन् जाने जता ततै नजाने कहिँ पाइन्न
तर पूर्ण बिराम हुदैन लगातार बहन्छ
अविरल जिन्दगी र चाहनाहरू
मुस्कएका ओठ, हँसिलो मुहार मात्र
नहुन सक्छ खुसी, यो त मनबाट मन हुदै बहन्छ
र हृदयभरि लटरम्म फूल्छ
अनुभूतिका रसहरू फिजिंन्छ
पाएकाहरूको भनिएका खुसीहरू नजिकबाट
पनि नभएको गहिरो ईनार
जहाँ अन्धकार सधै कुरिरहन्छ
यी जीवनका अनबरत रहर
नसुनिएका धुन जस्तै तालमय छ
अनुभूतिका स्वरहरूमा अनुवाद छ