छोडेर जानु थियो नै भने जोडी जुटायौ किन

छोडेर जानु थियो नै भने जोडी जुटायौ किन
कसैको हुनु रहेछ आखिर् मुटु फुटायौ किन

धोका दिनेको हाल बेहाल यस्तै भएकै जाति
माया गरे झै गरी यो चोखो वैश लुटायौ किन

जवाफ दिए हुन्थ्यो निष्ठुरी मात्रै यो सवालको
बेईज्जत गरी खुल्ला यो आत्मा उल्टै चुटायौ किन

स्वीकार गर्दै गल्ती भो भन्दै आउनुको के अर्थ
सबैको माझ सम्बन्ध हाम्रो भन टुटायौ किन

विक्रम नेपाली >पवन@
बेथान ४ रामेछाप